هموم الوكت .....

موضوع: هموم الوكت ..... الجمعة فبراير 06, 2009 3:02 pm

هموم الوكت

تعبان و دارت هموم الوكت علية
صاير العمر درب نمشي بي خطواتة مكضية

و المر صار طعمة أحلة من العسل
أتشبع الجسم و أتعلم يتقبل القهر بنفس أبية

لا تنفع المشتكى لصاحب و لا حبيب
بس الله وحدة العالم بلي صار بية

خد أتعلم على نار الدموع
صارن يجرن على الخدود بصورة عادية

و كلب ترابة فارغ من نبتات الورد
عايش على الالم و بماي العذاب كاعة مسكية

ليش أني و شمعنة يا دنيا يلي طبعك الغدر
كلشي عزيز و غالي صار حصرة يعود ألية

ما عدلتي معي و لا شغلتي ميزان العدل
بكتي مني كل الفرح الي كان بين ايدية

وسفة و ألف وسفة الي والله
صارت أقلامي تخط حروف منعية

و الحزن صار موال و لحن للعكل و الكلب
و الجرح يزيد يوم عن يوم من كثر الأذية

بيني و بينك ورقات وصفحات عنوانها العتب
أشكرك ما قصرتي ابدا معي هي هاي المرجية

بس لو شما يطول منك الظلم
كل ضربة منك ما موتتني بالعكس خلتني قوية

تعبان و كتفني هموم الوكت
صار العمر دك هموم ملتفة علية

[جميل

مزيد من التقدم و الابداع

[أختك ..

الجنــــــــ روح ـــــــــة

الله على هالكلمات يا ميجر جنرال
أتمنالك حياة سعيدة بدون هالألم الباين في كلماتك
أشكرك على هالمشاركة الرائعة
تقبل مروري
تحياتي

يسلمووو ايديك اخي ميجر على الكلمات

بتمنالك مزيد من التقدم والابداع

تحياتي الك

اختك هيـــا

مشكورين على مروركم روح ومحمد وهيااا
تحياتي الكم