ثلاث نساء وثلاث قصص " الجزءالثاني"

مرحبـــــآ ... اليوم الجزء التاني من القصه ...

غدير: الو.
ربى:الو مساء الخير غدير اسفه على الازعاج اليوم.
غدير: ولايهمك,خير إن شاءالله شو في؟
ربى: ولااشي بس مدايقة وحبيت اتصل عليك واشكيلك همي.
غدير: شو في , شو هالمرة عملك رامي.
ربى:ياريت هو هالمرة اهلي.
غدير: شومالهم.
ربى:بدهم يزوجوني.
غدير: شو كنهم انجنو اهلك مابيعرفوا انك متفوقة في دراستك وطموحة وعم تحلمي تخلصي البكالوريوس لحتى تكملي ماجستير ودكتوراه شو ياربى ياما جننتينا في هيك قصص.
ربى:هاد اللي اجاك.
غدير:لا مو هاد بدك تحكي مع اهلك وبدك تصممي .
ربى بصوت متهدج : رح احاول مع انو متاكدة اني رح افشل , يللا غدير تصبحي على خير مش قادر احكي انخنقت.
غدير:وانت من اهله وبكرة انا بحكي معك إن شاءالله.
ربى: أوك سلام.
عكر مزاجها هذا الاتصال وتضايقت جدا من زوج خالتها الأناني وسلبية خالتها وطريقتهم في التصرف معها وعدم فهمهم لتصرفات ابنتهم مما استدعاهم لمحاولة تزويجها رغما عنها.
أغمضت عينيها وأجبرت نفسها على النوم فاستسلمت له بعدما أنهكتها كثرة المحاولات.
وفي هذا الوقت من الليل كانت ربى تبكي بحرقه لقرار أهلها المفاجئ وكيفية تصميم والدها على الموضوع بحيث منع والدتها من المناقشة فيه وكأنه صاحب القرار فلا جدال ولا نقاش.
لم يخفف اتصالها بغدير ما يختلج بصدرها من مشاعر مختلطة ورغبت بشدة بالاتصال برامي لعله يعطيها شعورا بالأمان فيجعلها تنام ليلتها الصعبة هذه .
لكنها لم تعرف ما الذي ستقوله له , هل ستقول أن كل أحلامنا وخططنا آلت إلى السقوط , وهل سيفهم رامي عدم قدرتها على مواجهة أبيها؟ وهل سيحترم هذا القرار ؟ وأخذها تفكيرها بعيدا فسألت نفسها هل سينساها رامي؟
بكت بكاءا حرا في تلك الليلة كبكاء طفل فقد والدته دون أن يعرف السبب., وضعت رأسها على الوسادة بعدما حضنت وساده أخرى وأخذت تواسي نفسها بتذكرها ذلك اليوم الذي تعرفت فيه على رامي:.
ربى: مرحبا , ممكن تساعدني انا جاي اسجل ومش عارفة وين مبنى التسجيل.
رامي: زي زيك يا اختي والله انا كمان لسا كنت بدي اسالك.
ضحكا الاثنان معا ...
رامي: ايش بدك تسجلي .
ربى: صيدله إن شاء الله.
رامي: ما شاء الله على هيك معدلك مش اقل من 96 .
ربى: 97 ولله الحمد وانت؟
رامي : والله محسوبك متواضع يا دوب وصلنا السبعين.
ربى: هاهاهاهاهاهاهاها وعلى هيك شو ناوي تسجل؟
رامي : تجارة.
ربى: بالتوفيق.
بعد مساعده من بعض الطلاب قادتهما اقدامهما إلى مبنى التسجيل وقد ساعدها فيعملية التسجيل, وفي خلال الفصل الأول كانت تصادفه في بعض الأحيان فيحدث بينهما أحاديث صغيرة ومن ثم تطورت الأمور بينهما بعد تجاوزهما للسنة الأولى من حياتهما الجامعية,وفي السنة الثانية اعترف لها بإعجابه فيها وحبه لها ورغبته بالارتباط بها في المستقبل وقد بادلته بنفس الاعتراف واتفقا على أن لا يدعا أي ظرف يحنث هذا الاتفاق.
وفي هذه اللحظة عاودتها موجة البكاء من جديد ونامت وأثار الدمع ما زال على خديها , وفي الصباح أيقظتها والدتها حتى لا تتأخر على جامعتها فمشوارها لم يعد سهلا في هذه الأيام بسبب وضع إسرائيل لحاجز بيت ايبا بعد قيام الانتفاضة الثانية الذي صعب عليها الوصول إلى جامعة النجاح الوطنية حيث تدرس.
لم تكن الحركة في هذا اليوم على الحاجز طبيعيه فأحست أن شيئا ما يحدث , استفسرت من الجالسين في الحافلة ولكنها لم تحصل على إجابة واضحة , وبعد فترة من الوقت تبين أن التأخير كان بسبب شك الجنود بأحد الطلبة فتم تقييده وأخذه إلى جهة مجهولة ثم رجعت الحركة على الحاجز وكأن شيئا لم يحدث .
خاطبتها الفتاة الجالسة بجانبها: مساكين هالطلاب في منهم خرجين هالسنة واعتقلوهم اليهود الله يعينهم تعبهم راح على الفاضي والله اعلم وينتا رح يطلعوهم ويلحقوا يكملوا دراستهم أو لاء .
ربى: الله يعينهم بس انا بعرف يللي بصير معو هيك بتستقبلو الجامعة بعد ما يطلع وبيدرس بس يللي ضل عليه يعني هيك شي اهون من شي.
وصلت إلى الجامعة متأخرة عن محاضرتها الأولى فوجدت صديقتها سها قد جمعت لها الملاحظات التي فاتتها.
سها: ليش تاخرتي ؟ اليوم بالذات الاستاذ اخد حضور وغياب.
ربى: هالاستاذ شو تقيل دم يعني مش داري بالدنيا و عامل حالو مش دخلو يحمد ربو اللي بنقدر نوصل عالجامعه.
سها: اصلا بيحكوا عنو انو مطلق وماخد ولادوا من مرتو وعشان هيك معقد وبيكره البنات .
ربى : على اللي بحبو فينا اتركينا من سيرتو اللي بتعل .
سها: شفتي رامي اليوم سألني عنك الصبح.
ربى: لاء هاي و صلتي متل مانتي شايفه ولسا ما شفت حدا غيرك.
سها:ربى شو مالك شو في؟ خير إن شاء الله.
ربى: لا ولاشي بس مبارح تعبت وما عرفت انام فاليوم حاسه راسي مصدع وخاصة مع التاخير اللي تاخرتو بالطريق .
سها: الله بعين .
ابتدأت المحاضرة الثانية فذهبت الفتاتان لحضورها وفي منتصفها اتصل عليها رامي فاستأذنت من الأستاذ وخرجت من المحاضرة وهي عاقدة العزم على مواجهة رامي بكل التطورات التي تحدث معها .

يتبـع الجزء الثالث ...>
.

له له يا حرام والله حزنتني

الله يعينكم دايما هيك كل القصص نفسي اشوف قصة ببيكملو فيها حبيبين مع بعض هههههههههههههههه

يلا بنشوفكم بالجزء التالت بلكي كانو لبعض

يسلمو تيرا
تقبلي مروري

ههههههههههههه Haya

شكراً على مرورك

والله قصة رائعة جدا و مشوقة
حافلة بكل معاني الألم و المعاناة
أشكرك تيرا على تواصلك معنا من خلال هذه القصة الجميلة
تقبلي مروري
تحياتي

مشكوره اخت تيرا على القصه الرائعه بس انا ما راح استنى راح اقرأ الجزء الثالث هلا أ
تقبلي مرروي