إنتي وانـا والذكريـات القديمـه

إنتي وانـا والذكريـات القديمـه
صفحة طواها الوقت من قبل هالعام
مات الوفا والحب نسـأل غريمـه
يامن حكمتي ع العلاقه بالإعـدام
خـلان كنـا والعلاقـة حميمـه
ارواحنا تسبح مع طيف الأحـلام
الكل منـا كـان يعشـق نديمـه
يوم ٍ مركبنا على شـط الأوهـام
نلهو ويغشانا مـن المـزن ديمـه
وعيوننا فيها من الشـوق سلهـام
وقلوبنا فـي بعضهـا مستهيمـه
متحرره ماهي تحت سطو حكـام
نقطف عناقيد الغلا مـن كضيمـه
شرع الهواء مافيه ظالـم ومنظـام
يومك لقلبي في زمانـك زعيمـه
وانا غذاء روحك وللجسم هندام
كنت العليل اللي يهبـك نسيمـه
وليوم خنتيني مـع ظلـم الأيـام
أنا اعترف بان الخسـاره جسيمـه
وإني غزير الدمع من طرف مانـام
هذا أنـا بعـدك حياتـي يتيمـه
جسر الأمل في داخلي هيكل اعظام
أشواك هجرك في خفوقي ضريمـه
مثل الخناجر قطعت جسمي أقسام
دست الألم واخفيت عنك الهزيمـه
عضيت جرحي مثل عضي للابهـام
شكواي للي مارضـي بالظليمـه
يغفر لقلبا عن محبتـك مـا صـام

تحياتي الكم